Ընտրությունների արդյունքներն անվավեր ճանաչելու վերաբերյալ երեք ուժ է դիմել
ԿԸՀ-ն այսօր ամփոփում է հունիսի 20-ի արտահերթ ընտրությունների արդյունքները: Այսպիսով՝ կառույցը ընտրությունների արդյունքներն անվավեր ճանաչելու վերաբերյալ երեք դիմում է ստացել եւս մեկն էլ ներկայացվել է սահմանված ժամկետից ուշ: Այս մասին ԿԸՀ նիստին հայտարարեց նախագահ Տիգրան Մուկուչյանը:
Դիմումատու ուժերն են Փաստաբանների պալատի նախագահ Արա Զոհրաբյանի գլխավորած «Զարթոնք» ազգային-քրիստոնեական կուսակցությունը, «Պատիվ ունեմ» դաշինքը և «Հայաստան» դաշինքը:
«Զարթոնք» ազգային-քրիստոնեական կուսակցության գործադիր մարմնի պատասխանատու Արա Զոհրաբյանի կողմից ներկայացված դիմումի համաձայն՝ նախընտրական քարոզչության և քվեարկության ժամանակ տեղ են գտել մի շարք խախտումներ, որոնք ազդել են քվեարկության արդյունքների վրա, մասնավորապես, մինչև նախընտրական քարոզչությունը հանրային ծառայողների կարգավիճակ ունեցող «Քաղաքացիական պայմանագիր» կուսակցության ներկայացուցիչները պետական ռեսուրսների հաշվին փաստացի նախընտրական քարոզչություն էին իրականացնում, նախընտրական քարոզչության ընթացքում հոգեբանական հարկադրանքի մեթոդներ, բռնության կոչեր, բռնության կիրառման սպառնալիքներ և ատելություն էին տարածում, քվեարկության օրը ընտրական տեղամասերում կուտակումներ էին, բազմաթիվ կտրոնների վրա բացակայում են լուսանկարներ, արձանագրվել են ուղղոդրված քվեարկության դեպքեր:
Զոհրաբյանը ներկայացված դիմումում առկա է նաեւ նախընտրական քարոզչության ընթացքում արձանագրված ձերբակալությունների և բերման ենթարկելու դեպքերի մասին,ինչպես նաեւ բազմաթիվ ընտրատեղամասեր քվեաթերթիկներ հաշվելու ընթացքում հոսանքազրկվել են, քվեաթերթիկների ծրարները թափանցել են և պարզ է դարձել, թե ում օգտին են քվեարկում:
«Հրապարակ օրաթերթ»