«Պատիվ ունեմ» խմբակցությունը փոխանցված պարգևավճարները ուղղվելու է սոցիալական խնդիրների լուծմանը
«Պատիվ ունեմ» դաշինքի խորհրդարանական խմբակցությունը տարածել է հայտարարություն, որում հայտնում է, թե ինչպես է մտադիր տնօրինել Հայաստանի Հանրապետության անկախության 30-ամյակի կապակցությամբ ստացված դրամական պարգևավճարը, որը տրվել է ՀՀ Ազգային ժողովւ բոլոր պատգամավորներին:
«Արցախյան վերջին պատերազմի հետևանքով՝
զոհվել են հազարավոր հայորդիներ, որոնցից շատերը ընտանիքի միակ կերակրողն էին,
հազարավոր պատերազմի մասնակիցներ մինչ օրս կարիք ունեն որակյալ բժշկական օգնության,
տասնյակ հազարավոր տեղահանվածներ չունենալով մշտական տանիք և կայուն ապրուստի միջոց ապավինում են պետության միջոցներից և այլ աղբյուրներից ստացվող սոցիալական օգնություններին,
ինչպես նաև առկա են բազմաթիվ այլ սոցիալական խնդիրներ, որոնք պահանջում են հրատապ լուծումներ:
Հաշվի առնելով այս ամենը, «Պատիվ ունեմ» խմբակցության պատգամավորները չեն կարող լինել այն ազգընտիր պատգամավորների շարքում, որոնք շարունակում են ստանալ պարգևավճարներ, ապրել սովորական կյանքով՝ կարծես ոչինչ տեղի չի ունեցել:
«Պատիվ ունեմ» խմբակցությունը հայտարարում է, որ փոխանցված պարգևավճարները ուղղվելու են վերը նշված սոցիալական խնդիրների լուծմանը», — ասվում է հայտարարության մեջ: