Թուրքիան տարեսկզբից 50 տոկոսով ավելացրել է պաշտպանական եւ ավիացիոն արտադրանքի մատակարարումն Ադրբեջանին
News.am-ը գրում է.
«Թուրքիան հունվարից սեպտեմբեր ամիսներին Ադրբեջանին մատակարարել է 184 մլն դոլարի պաշտպանական եւ ավիացիոն արտադրանք։ Այս մասին հայտարարել է թուրք արտահանողների միության խորհրդի անդամ Սելահեդին Քափլանը, փոխանցում է «Ինտերֆաքս»-ը։
Նրա խոսքով՝ Ադրբեջանին այդ արտադրանքի մատակարարման ծավալը նախորդ տարվա նույն ժամանակահատվածի համեմատ աճել է 49,6%-ով:
Ընդհանուր առմամբ, 9 ամսվա ընթացքում թուրքական արտահանումն Ադրբեջան կազմել է 1,73 մլրդ դոլար (աճը`16,5%): Մասնավորապես, Թուրքիան Ադրբեջան է արտահանել քիմիական արտադրանք 372,802 մլն դոլարով (աճը`22,1%), էլեկտրոնիկան` 136,6 մլն դոլարով (աճը`12,4%), կահույքը, թուղթը եւ փայտանյութը` 104,6 մլն դոլարով (աճը՝ 8,8%), մնացած ծավալը բաժին է ընկել այլ ապրանքներին:»