ՀՀ սահմանի հարավային ուղղությամբ Ադրբեջանի բացած կրակի հետևանքով կան վիրավորներ
ՀՀ սահմանի հարավային ուղղությամբ Ադրբեջանի բացած կրակի հետևանքով կան վիրավորներ։ Այս մասին տեղեկացնում է ՀՀ պաշտպանության նախարարի մամուլի քարտուղար Շուշան Ստեփանյանը։
«Հակառակորդը շարունակել է կրակ վարել ՀՀ հարավային սահմանի ուղղությամբ: Կան վիրավորներ»,-«Արմենպրես»-ի հաղորդմամբ` հայտնում է Ստեփանյանը։
Հոկտեմբերի 27-ի առավոտյան, ժամը 10:00-10:15 սահմաններում, հերթական անգամ խախտելով հրադադարի ռեժիմը, ադրբեջանական կողմը անօդաչուներով (որոնցից մեկը ընկել է ՀՀ տարածքում) և հրթիռահրետանային միջոցներով հրետակոծել է ՀՀ հարավային սահմանի Իրանի հետ հատման կետի հայկական սահմանապահ ուղեկալի դիրքերը: Հայկական կողմն արդեն իսկ դիմել է պատասխան գործողությունների: