Անհետ կորածների և գերիների հարազատները փորձեցին քայլերթ իրականացնել, սակայն ոստիկանները փակեցին նրանց ճանապարհը. Փաստինֆո
Գերիների և անհետ կորածների հարազատները փորձեցին քայլերթ իրականացնել և գնալ Բաղրամյան պողոտա, սակայն ոստիկանները թույլ չտվեցին։
Նշենք, որ վաղ առավոտից անհետ կորածների և գերիների հարազատներն ԱԺ-ի դիմաց էին, նրանք ԱԺ նախագահ Ալեն Սիմոնյանի հետ հանդիպում էին պահանջում։ Ծնողները կապ էին հաստատել Ալեն Սիմոնյանի ընդունարանի հետ, որտեղից նրանց ասել են, որ ընդամենը երկու ծնող կարող է բարձրանալ ու հանդիպել։
Ծնողները հրաժարվել են և քիչ առաջ փորձեցին քայլերթ իրականացնել դեպի Բաղրամյան փողոց, սակայն ոստիկանները նրանց թույլ չեն տալիս Դեմիրճյան փողոցից դուրս գալ։
Այս պահին Դեմիրճյան պողոտայում ոստիկանները պատ եմ կազմել, և ծնողները չեն կարողանում քայլերթ իրականացնել։