Կապիտուլյանտի քաղաքական մաստեր կլասը այն բանի մասին, թե ինչպիսին չպետք է լինի երկրի առաջնորդը, թե ինչպիսին չպետք է լինի ընդհանրապես հայը. Հենրիխ Դանիելյան
Սերժ Սարգսյանի աջակիցներ նախաձեռնության համանախագահ Հենրիխ Դանիելյանն իր ֆեյսբուքյան էջում գրում է.
«Կապիտուլյանտի քաղաքական մաստեր կլասը այն բանի մասին, թե ինչպիսին չպետք է լինի երկրի առաջնորդը, թե ինչպիսին չպետք է լինի ընդհանրապես հայը։
Քաղաքացիական պայմանագիր կուսակցությունը` իր առաջնորդի գլխավորությամբ, ցույց են տալիս, թե ինչպիսին չպետք է լինի քաղաքական կուրսը, թե ինչպիսին չպետք է լինի ներքաղաքական և արտաքին քաղաքական իրավիճակը։
- Չպետք է բանակցային գործընթացը սկսեին իրենց սեփական կետից` առանց ծանոթանալու նախկին իշխանության կողմից թողած բանակցային ժառանգությանը։
- Չպետք է ստեղծեին բևեռացված հասարակություն, որոնց ստիպելով բաժանեցին սևերի և սպիտակների, նախկինների և նորերի, որովհետև հայրենասիրությունը և հայրենիքի կայուն առաջընթացի գրավականը դա ազգային միասնությունն է, դա սևերի և սպիտակների չբաժանելն է, դա համախմբվածության կոչերն է, որը կուռ է պահում ժողովրդին։
- Իրական դեմոկրատական երկրում չե՛ն բռնում ընդդիմադիրներին, ինչպես որ մենք ունեցել ենք նախկին ղեկավարների օրոք։ Հատկապես 2008֊2018 թվականներին խոսքի ազատությունը գերակշիռ մաս էր կազմում ներքաղաքական իրավիճակում, լրատվամիջոցները չունեին որևէ սահմանափակում։
- Երկրի ղեկավարի գլխավորած քաղաքական ուժը չ՛պետք է զբաղվի ֆեյք նորությունների ֆաբրիկաների ստեղծմամբ, ֆեյք էջերով լուրեր տարածելով և մարդկանց պախարակելով, օրինակ` Perfect tv- ի նման կեղծ լրատվական էջերով մարդկանց խաբում և մոլորության մեջ են գցում։
- Ընտրակեղծարարության ամենախոշորագույն դրսևորումները դրսևորվել են բոլոր այն ընտրություններում, որոնց մասնակցել է կապիտուլյանտ իշխանությունը։ Քաղաքացիական պայմանագիր կուսակցությունը, կամ կուսակցության հետ կապ ունեցող բոլոր ուժերը` կիրառել են վարչական ռեսուրսներ, կամ էլ լցոնել քվեատուփերը։
- Արտաքին հարաբերությունների մեջ ինչպիսի՞ն չպետք է լինի քաղաքական առաջնորդը, ինչպիսի՞ն չպետք է լինի երկիրը ներկայացնող անձնավորությունը, կամ քաղաքական թիմը, որ իրենց արած արտահայտությունների համար այլ երկրներից 《նկատողություններ》 չստանա։ (Օրինակ` Ալեն Սիմոնյանի արած հայտարարությունը Ռուսաստանը որակեց որպես` ապատեղեկատվություն)։
Երկրի առաջնորդը չպետք է բանակցային գործընթացը տանի փակուղի և հօգուտ թշնամու հայտարարի, որ 《Արցախը Հայաստան է և վերջ》։
- Ինչպիսին չպետք է լինի պաշտպանության նախարարը, ով ասում էր` նոր պատերազմ, նոր տարածքների դիմաց, արդյունքում ունեցանք ահռելի տարածքային կորուստ և 5000֊ից ավելի անմեղ զոհ։
- Ինչպիսին պետք է լինի գործընկերությունը և ընդհանրապես ընկերությունը քաղաքական դաշտում։
Նիկոլը անհուսալի, գցող գործընկեր է և նրան այլևս ոչ ոք չի վստահում, դա ցույց տվեց իր վարած քաղաքականությունը, որի պտուղները մենք հիմա տեսնում ենք։ Այն, որ Հայաստանի ներսում կա ադրբեջանական անցակետ, այն, որ շատ հնարավոր է Լաչինի միջանցքում էլ լինի ադրբեջանական անցակետ, այն, որ Ադրբեջանը ստիպում է, որ մենք Հայաստանի սուվերեն տարածքի միջով նրան միջանցք տանք` ապացուցում է, որ երկրի ղեկավարը չի կարողացել պահել ՀՀ֊ի սուվերեն տարածքը որպես սուվերեն տարածք, իսկ մեր թշնամիները օգտվելով այդ ամենից` մտել են մեր անձնական դաշտ։
- Հայ ռազմագերիներին գործող իշխանական խունտան մեջքից հարվածել է, տղաներին ոչ մի ինֆորմացիա չեն տվել անդրբեջանական զորքերի ներխուժման մասին, նրանք զենք չեն ունեցել և գերևարվել են, իսկ դավաճան իշխանությունը նրանց անվանում է` դասալիքներ։
Հ.գ. Անկասկած կապիտուլյանտը վաստակել է պատմության աղբանոցում հայտնվելու իր ուղեգիրը։
Պատմության մեջ լինելու է մի էջ, որտեղ գրված է լինելու, թե ինչպիսի քաղաքական գործիչ չպետք է լինել և ինչպիսի հայ չպետք է լինել` Կապիտուլյանտի օրինակով։»