Բիլ Գեյթսն 50 միլիոն դոլար է նվիրաբերել Հարիսի ընտրարշավին
Ամերիկացի միլիարդատեր և Microsoft-ի համահիմնադիր Բիլ Գեյթսը, ամենայն հավանականությամբ, 50 միլիոն դոլար է նվիրաբերել նախագահի դեմոկրատ թեկնածու Քամալա Հարիսի արշավին։ Դրա մասին գրել է New York Times-ը՝ վկայակոչելով լավատեղյակ զրուցակիցներին։
Ըստ ամերիկյան պարբերականի՝ այդ նվիրատվությունը պետք է գաղտնի մնար, քանի որ Գեյթսը հրապարակայնորեն չէր աջակցել Հարիսին։
Լրագրողների զրուցակիցը նշել է, որ ամերիկացի միլիարդատերը մտահոգված է՝ ինչպիսին կարող է լինել հանրապետական Դոնալդ Թրամփի երկրորդ նախագահությունը։
Թրամփի հաղթանակի դեպքում Գոյթսի ամենամեծ մտահոգությունն ընտանիքի պլանավորման և գլոբալ առողջապահական ծրագրերի հնարավոր կրճատումն է:
Միաժամանակ Գեյթսն ընդգծել է, որ պատրաստ է համագործակցել երկու թեկնածուների հետ։
Ըստ պարբերականի՝ ի պատասխան Հարիսի քարոզարշավին ֆինանսական աջակցության մասին հաղորդագրության՝ Գեյթսը միայն ընդգծել է իր երկկուսակցականությունը և հայտարարել, որ «այս ընտրությունները տարբերվում են նախորդներից»։
Ինչպես հայտնում են լրագրողները, ներկայիս փոխնախագահի քարոզարշավին դրամական աջակցության նա մասին ոչինչ չի ասել։
«Ես աջակցում եմ թեկնածուներին, ովքեր հստակ հանձնառություն են դրսևորում Միացյալ Նահանգներում և ամբողջ աշխարհում առողջապահական խնամքի բարելավման, աղքատության նվազեցման և կլիմայի փոփոխության դեմ պայքարի հարցում:
«Ես քաղաքական սպեկտրի լիդերների հետ աշխատելու երկար պատմություն ունեմ, բայց այս ընտրությունները տարբեր են և աննախադեպ նշանակություն ունեն ամերիկացիների և աշխարհի ամենախոցելի մարդկանց համար»,-շեշտել է ամերիկացի միլիարդատերը:
Լրագրողները հիշեցրել են, որ 2019 թվականին Գեյթսը հայտարարել է, որ մտադիր չէ մասնակցել խոշոր քաղաքական հանգանակությունների։