Թալանել են Փաշինյանի աներձագ Հրաչյա Հակոբյանի առանձնատունը. «Հրապարակ»
Թալանել են ՀՀ վարչապետ Նիկոլ Փաշինյանի աներձագ, ՔՊ–ական պատգամավոր Հրաչյա Հակոբյանի առանձնատունը, գրում է «Հրապարակ» թերթը։
Նշվում է, որ դեպքը տեղի է ունեցել այս տարվա սկզբներին, սակայն պատգամավորը փորձում է խիստ գաղտնի պահել այն:
Նա մտերիմներին հայտնել է, որ չի ուզում հանրայնացնել ավելորդ շահարկումներից խուսափելու համար։
«Չնայած դրան, ՔՊ-ում ակտիվ քննարկում են գործընկերոջ «դժբախտությունը», ոմանք չարախնդում են, թե եթե Հրաչն իր առանձնատանը մի քիչ երկար ապրեր, չէին թալանի` ամբողջ տարին շրջագայում է, գողերն էլ օգտվել են դրանից»,–գրում է թերթը։
ՆԳՆ-ից թերթի հարցմանն ի պատասխան հայտնել են, թե հունվարի 14-ին ահազանգ են ստացել, որ կողոպուտի դեպք է գրանցվել Ձորաղբյուրի առանձնատներից մեկում, նյութերն ուղարկվել են Քննչական կոմիտե։
Հավելենք, որ Հակոբյանն այդ առանձնատունը ձեռք է բերել իշխանափոխությունից հետո: