Հայաստանի ներկայիս իշխանությունները գործարքի մեջ են Ադրբեջանի և Թուրքիայի հետ. Էլբակյան
Հայաստանի իշխանություններն Ադրբեջանի և Թուրքիայի հետ միասնական քաղաքականություն են վարում հայ ժողովրդին գլխատելու համար։ Այս մասին Ադրբեջանի Սումգայիթ քաղաքում հայերի ջարդերի զոհերի հիշատակին նվիրված ակցիայի ժամանակ հայտարարել է քաղաքագետ Էդգար Էլբակյանը։
Էլբակյանը հարց ուղղեց հանրությանը, թե ինչո՞ւ, չնայած ՀՀ իշխանությունների հավաստիացումներին, Արցախի հանձնումից հետո Ադրբեջանը չի ուզում կանգ առնել, այլ ավելին ու ավելին է պահանջում։ Ինչո՞ւ թուրքերը կանգ չառան Հայոց ցեղասպանությունից հետո։ Ինչո՞ւ ՀՀ-ն զիջեց Արցախը, իսկ հիմա Բաքուն պահանջում է Սյունիքը։
«Նրանք, ովքեր կարծում են, որ 21-րդ դարում ցեղասպանություն անհնար է, սխալվում են»,- հիշեցրեց Էլբակյանը։ Նրա խոսքով, Բաքվում հայ գերիների ստույգ թիվը հայտնի չէ, քանի որ ՀՀ իշխանությունները գործարքի մեջ են Ադրբեջանի և Թուրքիայի հետ։