Մակրոնը Իսրայելի վարչապետին կոչ է արել դադարեցնել Գազայի հատվածի ռմբակոծումը
Ֆրանսիայի նախագահ Էմանուել Մակրոնը կիրակի օրը Իսրայելի վարչապետ Բենիամին Նաթանյահուին կոչ է արել «դադարեցնել հարձակումները Գազայի վրա և վերադառնալ հրադադարի ռեժիմին»։
Մակրոնի միջամտությունը տեղի է ունենում այն ժամանակ, երբ Իսրայելը վերսկսել է ռմբակոծել պաղեստինյան տարածքը ՀԱՄԱՍ խմբավորման հետ փխրուն զինադադարի փլուզումից հետո:
«Ես Իսրայելի վարչապետին կոչ եմ արել դադարեցնել հարձակումները Գազայի վրա և վերադառնալ հրադադարին, որը ՀԱՄԱՍ-ը պետք է ընդունի: Ես շեշտեցի, որ մարդասիրական օգնությունը պետք է անհապաղ հասցվի»,- X սոցցանցում գրել է Ֆրանսիայի նախագահը։
Իսրայելը մարտի 18-ին վերսկսել է պաղեստինյան տարածքների ուժեղ ռմբակոծությունները, այնուհետև սկսել է նոր ցամաքային հարձակում՝ վերջ դնելով գրեթե երկամսյա զինադադարին: