ՌԴ զորքը վերահսկողության տակ է վերցրել Բորովսկայա Անդրեևկա և Մոսկովսկոյե բնակավայրերը

Ռուսական զորքը վերահսկողության տակ է վերցրել Խարկովի մարզի Բորովսկայա Անդրեևկա և ԴԺՀ–ի Մոսկովսկոյե բնակավայրերը։ Տեղեկությունը հայտնում է ՌԴ պաշտպանության նախարարությունը:

««Արևմուտք» զորախմբավորման ստորաբաժանումների ակտիվ գործողությունների արդյունքում ազատագրվել է Խարկովի մարզի Բորովսկայա Անդրեևկա բնակավայրը», – ասվում է գերատեսչության ամփոփագրում:

ԴԺՀ-ում գտնվող Մոսկովսկոյե բնակավայրը վերահսկողության տակ է վերցվել «Կենտրոն» զորախմբավորման ստորաբաժանումների կողմից:

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։