Շուշիի Արամ Մանուկյան փողոցն այժմ կրում է Աթաթուրքի անունը
«Ադրբեջանն արդեն սկսել է իրեն հանձնած Շուշիի փողոցների անվանափոխումը։ Օնլայն քարտեզներից առաջինը Ադրբեջանի համար ծառայություն է մատուցել է Yandex Map–ը։
Քարտեզում փողոցների մեծագույն մասն անվանակոչվել է այն ադրբեջանցիների «պատվին», ովքեր ծնունդով քաղաքից են, կան ինչ-որ կապ են ունեցել քաղաքի հետ։ Մեր՝ Շուշիի տան փողոցը կրում է (էր) Հայաստանի հիմնադիր հայր Արամ Մանուկյանի անունը։ Իսկ գիտե՞ք, թե հիմա ում անունն է կրում այդ փողոցը։ Ոչ թե Ադրբեջանի, այլ Թուրքիայի հիմնադիր Աթաթուրքի անունը։
Ի դեպ՝ Շուշիի այդ փողոցն Արամ Մանուկյանի պատվին անվանակոչելու առաջարկի հեղինակը հայրս է՝ Արթուր Եղիազարյանը, երբ երջանկահիշատակ Շահեն Մկրտչյանի գլխավորությամբ 1993 թ. ստեղծվել էր խումբ, որը զբաղվում էր Շուշիի այն փողոցների անվանափոխմամբ, որոնք օտար անուններ ունեին։ Հորս և իր ընկերոջ՝ Արտաշես Թորոզյանի գլխավորությամբ 1992 թ հոկտեմբերին ստեղծված Շուշիի վարժարանը նույնպես կրեց Արամ Մանուկյանի անունը», — գրել է թուրքագետ Արգամ Եղիազարյանը՝ վերոնշյալը վերնագրելով «Մի փոքր հակահայկական սիմվոլիզմ Շուշիում»:
