Չադի նախագահը սպանվել է նախագահի պաշտոնում վերընտրվելու օրը
Չադի նախագահ Իդրիս Դեբին վերընտրվել է նախագահի պաշտոնում ու մահացել հենց նույն օրը: Այս մասին հայտնում է ՌԻԱ Նովոստին:
Նա նախագահի պաշտոնում վերընտրվել էր արդեն 6-րդ անգամ, իսկ երկիրը ղեկավարում էր արդեն ավելի քան 30 տարի:
Ընտրություններից հետո Դեբին որոշել է իր հակառակորդների նկատմամբ հաղթանակը տոնել առաջնագծում՝ մեկնելով մարտական գործողությունների գոտի՝ երկրի հյուսիս: Այստեղ ապստամբները հարձակվել են կառավարական ուժերի վրա, ինչի արդյունքում էլ նախագահը վիրավորվել է ու ավելի ուշ մահացել հիվանդանոցում:
Այս պահին Չադում ստեղծվել է անցումային ռազմական խորհուրդ, որի նախագահ է նշանակվել նախկին առաջնորդ Մահամաթի որդին, հայտնում է Al Wihda թերթը: