Ռեֆորմիստների կուսակցությունը շնորհավորել է Սերժ Սարգսյանի տարեդարձը
Ռեֆորմիստների կուսակցության նախագահ Վահան Բաբայանը շնորհավորել է ՀՀ 3-րդ նախագահ Սերժ Սարգսյանի տարեդարձը:
Շնորհավորական նամակում մասնավորապես ասվում է.
«Հարգարժան պարոն նախագահ
Ռեֆորմիստների կուսակցության անունից սրտանց շնորհավորում եմ Ձեր ծննդյան տարեդարձը:
Երրորդ Հանրապետության ստեղծումից ի վեր դուք կանգնած եք եղել Հայաստանի Հանրապետության կերտման և բանակաշինության ղեկին:
Անուրանալի է Ձեր դերը Արցախի ազատագրման և անկախության համար պայքարում:
Անգնահատելի է Ձեր դերը Հայաստանի Հանրապետության միջազգային վարկանիշի բարձրացման գործում: Ձեր շնորհիվ Հայաստանը մեր տարածաշրջանում հաստատել է իր առաջատար դիրքը և այդպիսով ապահովել երկու հայկական պետությունների ժողովուրդների անվտանգությունը:
Նվիրյալ և պետականամետ Ձեր կեցվածքն այսօր շատ է պետք Հայաստանին և Արցախին:
Այս դժվար օրերին Դուք հայ ժողովրդի համար եղել եք հույսի փարոս և Ձեր վճռական խոսքով բոլորիս հետ եք պահել հուսահատությունից:
Սպասում ենք Ձեր առաջնորդությամբ մեր հզոր պետության վերականգնմանն ու զարգացմանը:
Եվս մեկ անգամ շնորհավորելով Ձեր ծննդյան տարեդարձը, մաղթում եմ Ձեզ քաջառողջություն, ուժ և եռանդ:
Ռեֆորմիստների կուսակցության նախագահ Վահան Բաբայան»