Երևանում կայացավ Մոսկվա քաղաքի 874-ամյակին նվիրված շաշկու 2-րդ մրցաշարը
Երևանում տեղի ունեցավ Մոսկվայի հիմնադրման 874- ամյակին նվիրված ռուսական շաշկու մրցաշարը:
Երևանում «Մոսկվայի տուն» մշակութային-գործարար կենտրոնի (տնօրեն Վահրամ Կարապետյանի) և շաշկու ՀՀ ֆեդերացիայի համատեղ ջանքերով անցկացվեց 3 փուլերից բաղկացած ռուսական շաշկու 2-րդ մրցաշարը:
Եզրափակիչ փուլը տեղի ունեցավ Երևանում «Մոսկվայի տանը»։
Եզրափակիչ փուլում, ինչպես 2-րդ փուլում նույնպես հաղթող ճանաչվեց Նշան Ալավերդյանը: 1-5 րդ տեղերը գրաված մարզիկները պարգևատրվեցին դրամական մրցանակներով: 1-5-րդ տեղերը գրաված մարզիկներն են՝
1-ին տեղ Նշան Ալավերդյան
2-րդ տեղ Հարություն Եղիազարյան
3-րդ տեղ Կամո Ղուկասյան
4-րդ տեղ Սամվել Ազիբեկյան
5-րդ տեղ Ռաֆայել Օրդյան
Աղջիկներից լավագույն արդյունքը ցուցադրեց Մարիամ Պետրոսյանը, պատանիներից Էդգար Հայրապետյանը:
Մրցույթի փակման ժամանակ հաղթողներին պարգևատրեցին և մրցանակներ հանձնեցին Երևանում «Մոսկվայի տուն» մշակութային գործարար կենտրոնի գլխավոր տնօրեն Վահրամ Կարապետյանը և Հայաստանի շաշկու ֆեդերացիայի նախագահ Ալաբերտ Պողոսյանը:
