Մագնիսական նոր փոթորիկ կհարվածի Երկրին. ինչո՞վ է դա վտանգավոր
Մասնագետները նշում են, որ մոլորակը արդեն այսօր կզգա վերջերս տեղի ունեցած արեգակնային բռնկման հետևանքները։
Արեգակի վրա X1.79 դասի հզոր արեգակնային բռնկում է տեղի ունեցել, ինչը կարող է Երկրի վրա գեոմագնիսական փոթորիկներ առաջացնել։ Այս մասին հայտնում է NOAA տիեզերական եղանակի կանխատեսման կենտրոնը։
Գիտնականների տեղեկություններով` Երկրի վրայով անցնող մագնիսական փոթորիկը բավականին ուժեղ կլինի՝ իր գագաթնակետին այն կմոտենա G2 դասին։
Բռնկումը ուղեկցվել է արևապսակային զանգվածի արտանետմամբ, որի մի մասը շարժվում է դեպի Երկիր։ Սա առաջիկա օրերին կարող է գեոմագնիսական փոթորիկների հանգեցնել։
Մագնիսական փոթորիկները կարող են ազդել մարդու առողջության և ինքնազգացողության վրա։ Արեգակնային ակտիվությունը կարող է ազդել եղանակի նկատմամբ բնածին կամ ձեռքբերովի զգայունություն ունեցող մարդկանց, ինչպես նաև տարեցների վրա։ Մասնավորապես, նրանք կարող են գլխացավեր, արյան ճնշման տատանումներ, քնի խանգարումներ, կենտրոնացման վատթարացում կամ տրամադրության փոփոխություններ ունենալ։
Սակայն բժիշկների զգալի մասը կարծում է, որ մագնիսական փոթորիկների ազդեցությունը մարդու առողջության վրա ապացուցված չէ։