ՀՀ քննչական կոմիտեի նախագահ Հայկ Գրիգորյանի հրամանով՝ մարզական մեկնաբան Վարդան Թադևոսյանը նշանակվել է ՀՀ ՔԿ մամուլի քարտուղար

Pastinfo.am-ը գրում է.

«ՀՀ քննչական կոմիտեի նախագահ Հայկ Գրիգորյանի հրամանով՝ մարզական մեկնաբան Վարդան Թադևոսյանը նշանակվել է ՀՀ ՔԿ մամուլի քարտուղար: Այս մասին հայտնում են ՀՀ քննչական կոմիտեից:

Կենսագրություն

Ծնվել է 1961թ. հոկտեմբերի 13-ին, Երևանում:

1979թ. ավարտել է Երևանի Դ. Դեմիչյանի անվան թիվ 27 միջնակարգ դպրոցը: 1980-85թթ սովորել է Երևանի պետական համալսարանի բանասիրական ֆակուլտետում, որից հետո 1 տարի աշխատել է` որպես ուսանողական ակումբի նախագահ:

1986թ-ից աշխատել է հայկական հեռուստատեսության և ռադիոհաղորդումների պետական կոմիտեի ինֆորմացիայի գլխավոր խմբագրության սպորտի բաժնում:

1990-96թթ աշխատել է «Մայրաքաղաք» ստեղծագործական միավորումում, 1993-96թթ եղել է «Բարև» հողրդման հաղորդավար: 1996-2001թթ եղել է Առաջին ալիքի սպորտային բաժնի գլխավոր խմբագրի տեղակալը: 2002-2009թթ աշխատել է Հայաստանի Երկրորդ հեռուստաալիքում` որպես մարզական մեկնաբան:

2009թ-ից աշխատել է «Շանթ» հեռուստաընկերությունում` որպես մարզական մեկնաբան:»