Ահաբեկչի հարցաքննությունից. «Յուրաքանչյուր կտրած գլխի համար խոստացել են 100 դոլար»
Արցախյան հակամարտության գոտում ռազմական գործողությունների ընթացքում գերավարած արաբ վարձկանը նախնական հարցաքննության ժամանակ ասաց, որ իրեն խոստացվել է ամսական 2000 ԱՄՆ դոլար վարձավճար ու եւս 100 դոլար «պարգեւավճար»՝ ամեն «քաֆիրի» («անհավատների», — խմբ.) գլուխ կտրելու համար»: Այս մասին իր ֆեյսբուքյան էջում գրել է ՀՀ ՊՆ խոսնակ Շուշան Ստեփանյանը, տեղադրելով հարցաքննության համապատասխան տեսանյութը:
Վարձկան — 1988 թ.-ին ծնված Յուսուֆ Ալաբեթալ Գադժին, նա Սիրիայի Իդլիբ նահանգի Զիյադիա գյուղի բնակիչ է: Ամուսնացած է, ունի հինգ երեխա:
Նշենք, որ Թուրքիան ահաբեկիչների հիմնական և միակ մատակարարն է` Ադրբեջանի կողմից պատերազմին մասնակցելու համար:
Հիշեցնենք, որ ավելի վաղ գերի էր ընկել մեկ այլ ահաբեկիչ ՝ արմատական իսլամիստ Մեհրեդ Մուհամմադ Ալշխերը սիրիական Համա քաղաքից, ով հարցաքննության ժամանակ ասաց, որ 250 այլ ահաբեկիչների հետ միասին նա Թուրքիայի տարածքով տեղափոխվել է Ադրբեջան և հոկտեմբերի 19-ին հայտնվել առաջնագծում: