Իշխան Սաղաթելյան. Դավաճանը մտադիր է Ալիեւի հետ ստորագրել տարածքների օրինականացման մասին նոր փաստաթուղթ, որը թուրքերին նվիրաբերել է բանավոր համաձայնությամբ

Առաջիկա 6 ամիսների ընթացքում ՀՀ կառավարության ղեկավարը կփոխանցի երկրի այլ տարածքներ, որոնք նշված չէին իր կողմից ստորագրված կապիտուլյացիոն ստորացուցիչ եռակողմ հայտարարության մեջ: Այս կարծիքին է ՀՅԴ «Դաշնակցություն» Գերագույն մարմնի ներկայացուցիչ Իշխան Սաղաթելյանը, ով կիսվում է այդ մտահոգություններով իր ֆեյսբուքյան էջում:

«Նոյեմբերի 18-ին գլխավոր դավաճանը հայտարարեց իր 6-ամսյա ճանապարհային քարտեզի մասին, ըստ որի պետք է առաջիկա ամիսներին լուծեր մեր պետության համար կարևոր հարցեր: Ժամանակային իմաստով նա իրագործել է իր պլանի մոտ 25%-ը կամ մեկ քառորդ մասը:

Արդյունքում, կապիտուլյացիոն ստորացուցիչ հայտարարությունից
հետո, անցնող հիսուն օրերի ընթացքում թշնամուն հանձնվեցին եռակողմ հայտարարությամբ չնախանշված.
• Սոթքի ոսկու հանքավայրը,
• Հադրութի շրջանի Խծաբերդ և Հին Թաղեր գյուղերը,
• Գորիս – Կապան միջպետական ավտոմայրուղին,
• Կամավորական վաշտերի կողմից անառիկ պահված Սյունիքի կարևորագույն ռազմավարական դիրքերը, ՀԷԿ-եր և այլ կենսական նշանակության օբյեկտներ,
• Տարածքներ և բնակելի թաղամասեր՝ Շուռնուխ և Որոտան գյուղերից:

Դավաճանը պատրաստվում է իր 6-ամսյա պլանի շրջանակներում թշնամուն զիջել Լաչինի մի շարք բնակավայրեր, Քարահունջից շուրջ 30 հա տարածք, Տավուշի մարզի մի շարք բնակավայրեր:

Ուշադրություն! Նիկոլը պատրաստվում է առաջիկայում Ալիևի հետ ստորագրել նոր փաստաթուղթ՝ իր կողմից թուրքերին բանավոր պայմանավորվածությամբ նվիրաբերած տարածքները օրինականացնելու համար:
Կառավարությունն այս ընթացքում ոչ միայն չի լուծել գերիների և անհետ կորածների խնդիրը, այլև տոտալ անիշխանության և բանակի կազմալուծման պայմաններում ունեցել ենք նոր զոհեր և գերիներ։
Դավաճանի 6-ամսյա պլանը կամ ընտրություններ կազմակերպելու կեղծ օրակարգը ոչ այլ ինչ է, քան հայրենիքի մաս-մաս հանձնումը թշնամուն:

Եթե մենք 50 օր առաջ հեռացրած լինեինք վարչապետի աթոռին կառչած անձին, ապա վերը նշված և ապագայում սպասվելիք կորուստները չէինք ունենա։

Հետևաբար, ողջ գիտակից հանրության գերխնդիրն է դավաճանի ժամ առաջ հեռացումը և Հայրենիքի փրկությունը։
Մնացածը կեղծ օրակարգ է…», — հայտարարում է Իշխան Սաղաթելյանը: