Շնորհավորում եմ Աշխատանքի օրվա՝ Մայիսի 1-ի կապակցությամբ․ Վահան Բաբայան
Ռեֆորմիստների կուսակցության նախագահ Վահան Բաբայանի շնորհավորանքի խոսքը Աշխատանքի օրվա կապակցությամբ․
«Սիրելի ժողովուրդ,
Շնորհավորում եմ ձեզ Աշխատանքի օրվա՝ Մայիսի 1-ի կապակցությամբ:
Հայերով մենք աշխատող ժողովուրդ ենք,մեր ազգի մեծագույն մասի ցանկությունն է եղել և մնում արժանապատիվ աշխատանք ունենալն ու այդ աշխատանքով իր երեխաների ապահով ապագան կերտելը:
Այսօրվա Հայաստանի ղեկավարները չեն կարողանում այդ հարցը լուծել,չնայած որ արդեն 7 տարի է միայն խոսում են ու խոստումներ տալիս:Ավելին գնալով մարդիկ ավելի վատ են ապրում և ավելի դժվար աշխատանք գտնում:
Նույնիսկ եթե գտնում են միևնույնն է ինչպես ժողովուրդն է ասում ապրում են վարկերի տակ «ճռալով»:
Ցավոք շատերը լքում են մեր երկիրը ,այլ երկրներում ոչ թե հանգստանալու կամ զվարճանալու համար,այլ ճարահատյալ `աշխատանք գտնելու համար:
Շատերը մեկնում են սեզոնային աշխատանքի կրկին իրենց երեխաների և ընտանիքների ապրուստը ապահովելու համար:
Բայց բոլորիս երազանքն է մնում ապահովել մեր ժողովրդին աշխատանքով,որ մարդիկ գոհ լինեն իրենց ստացածով և չարչարանքով,որ ի վերջո չդառնան «տուգանքի մատերալ»:
Կրկին շնորհավորում եմ ձեզ Աշխատանքի օրվա առթիվ: Վստահ եմ, որ մեր աշխատասեր ժողովուրդը կրկին ոտքի կկանգնի և անցած ժամանակների դառնությունը կմնա անցյալում ու մենք միասին կունենանք զարգացած և ապահով երկիր:»
