Փաշինյանի ոչ ալաշկերտցի աջակիցը՝ այստեղ, այնտեղ և ամենուր — 168.am
Արմավիրի մարզի տարբեր համայնքներում Նիկոլ Փաշինյանի հանդիպումները բնակիչների հետ նախապես ծրագրված էր, այցի մասին մարզում տեղեկացված էին, որ Փաշինյանը Արմավիր պետք է գնար շաբաթ օրը՝ մարտի 27-ին, սակայն անբարենպաստ եղանակով պայմանավորված՝ այցը մեկ օրով հետաձգվել էր։
Մարտի 28-ին Փաշինյանն իրեն ուղեկցող պաշտոնյաներով, պատգամավորներով եղավ Արմավիրի մարզի Արագած, Մյասնիկյան, Ալաշկերտ և Նալբանդյան համայնքներում։ Մարզում կա 97 համայնք, Թուրքիային սահմանամերձ 7 համայնք, ուր, ըստ պաշտոնական տեղեկության՝ ապրում է մարզի բնակչության 10.1%-ը: Այնինչ, այս մարզի ոչ սահմանամերձ Նալբանդյան գյուղում Փաշինյանը խոսեց տարածաշրջանի նկատմամբ մեր դիտանկյունը փոխելու, ինչպես նաև մեր նկատմամբ տարածաշրջանի դիտանկյունը փոխելու մասին:
Ի՞նչ սկզբունքով են ընտրվում համայնքները, ուր Փաշինյանն այցելում է: Փորձեցինք հարցի պատասխանը ստանալ Նիկոլ Փաշինյանի մամուլի խոսնակ Մանե Գևորգյանից, ապարդյուն, մեր զանգերը մնացին անպատասխան։ Մինչդեռ 168.am-ի տեղեկություններով՝ Փաշինյանն այցելում է այն գյուղեր, որտեղ ունի ավելի մեծ թվով «աջակիցներ»։
Օրինակ՝ Արագած համայնքը, որը Փաշինյանի առաջին կանգառն էր՝ Ազգային ժողովի «Իմ քայլը» խմբակցության նախկին պատգամավոր, այժմ՝ Արմավիրի փոխմարզպետ Արգիշտի Մեխակյանի գյուղն է, և մեր տեղեկություններով՝ հենց նա էլ ապահովել էր մարդկանց ներկայությունը Փաշինյանի այցին։
Պարզաբանում ստանալու համար զանգահարեցինք Արգիշտի Մեխակյանին, սակայն նրա օգնականը պատասխանեց, որ Մեխակյանը զբաղված է․
«Պարոն Մեխակյանը չի կարող խոսել ձեզ հետ, ինքը զբաղված է»։
Ըստ մեր տեղեկությունների՝ կազմակերպչական աշխատանքներով պայմանավորված Փաշինյանի այցը Ակնալիճ վերջին պահին փոխարինվել է Ալաշկերտ համայնքով, որը ՊԵԿ նախագահ Էդվարդ Հովհաննիսյանի հայրական գյուղն է։
Կարդալ ավելին 168.am կայքում