Վրաստանի վարչապետը Սաակաշվիլիի մասին. Նա վախկոտ է, նապաստակ ու վախվխան մարդ է
«Եթե նա ուզում է գալ, թող գա: Արդեն 8-9 տարի է, ինչո՞ւ չի կարող գալ, ինչ եք կարծում: Որովհետեւ նա վախկոտ է, նապաստակ ու վախկոտ մարդ է», — ասել է վարչապետ Իրակլի Ղարիբաշվիլին ՝ կապված Վրաստանի նախկին նախագահ Միխայիլ Սաակաշվիլիի հայտարարության հետ, ով հայտնել է, որ երկուշաբթի կներկայացնի Վրաստանի հետ կապված իր ծրագրերը: Այս մասին գրում է Georgia Online լրատվական կայքը։
Ինչպես լրագրողներին տված հարցազրույցում նշել է Ղարիբաշվիլին, Սաակաշվիլիի ցանկացաց հերթական «հիմար սադրանքը» միայն ժպիտ է առաջացնում:
«Ես շատ եմ ուզում, որ Սաակաշվիլին գա, մենք շատ ենք զվարճանալու: Ես նրան խոստացա, որ վսկապների շատ գեղեցիկ հավաքածու կպատրաստեմ և կուղարկեմ բանտ՝ վերանորոգված բանտ: Սա է Սաակաշվիլիի ճակատագիրը», — ասել է Ղարիբաշվիլին:
Հիշեցնենք, որ Վրաստանի երրորդ նախագահ Միխայիլ Սաակաշվիլին այսօր, սեպտեմբերի 6-ին, հանդես կգա հայտարարությամբ` Վրաստանում տեղի ունեցող գործընթացների իր ծրագրերի եւ անմիջական ներգրավման մասին, ինչի մասին Սաակաշվիլին գրել է սոցիալական ցանցի իր էջում: